மூக்கடைப்பை சரிசெய்ய கூடிய எளிமையான வீட்டு வைத்திய டிப்ஸ்

home remedies for Nasal congestion

அடிக்கடி மூக்கடைத்துக்கொள்ளும் பிரச்னை குழந்தைகளுக்கு அதிகமாக இருக்கும். பெரும்பாலும், சைனஸ் தொல்லை இருப்பவர்களுக்கு இந்தப் பிரச்னை சற்று அதிகமாகவே காணப்படும். குழந்தைகளும் இதில் அதிகம் பாதிக்கப்படுவர். என்ன செய்யலாம்? சின்ன சின்ன வீட்டு வைத்தியங்கள் மூலமாகவே முழுமையான குணம் கிடைக்கும். எப்படி எனப் பார்க்கலாமா...

மூக்கடைப்பை நீக்கும் வீட்டு வைத்திய முறைகள்..

குளியல்

மிதமான சுடுநீர் குளியல் மூக்கடைப்பை சரி செய்யும். கட்டி இருக்கின்ற மியூகஸை இளக்கி வெளியேற்றும். தலைக்குளியல்தான் நல்லது. தோள்ப்பட்டையிலிருந்து குளிக்கும் குளியல் நாமே உருவாக்கி கொண்டது. குளியல் என்றால் தலை முழுகுதல் என்றே பெயர். இதுவே ஆரோக்கியமான குளியல். உடல் சூட்டை குறைக்கும்.

மூக்கை சுத்தம் செய்யும் பாட்

பல ஆர்கானிக் கடைகளில், ஆன்லைனில் மூக்கை சுத்தம் செய்யும் பாட் கிடைக்கிறது. அதை வாங்கி மூக்கை அவ்வப்போது சுத்தம் செய்திட எந்த மூக்கடைப்பும் சைனஸ் தொல்லைகளும் வராது. மூச்சு பிரச்னைகள்கூட குறையும்.

தேன் மிளகு

10 மிளகை இரவில் தேனில் ஊறவைத்து, மறுநாள் காலை அதை வெறும் வயிற்றில் நன்கு மென்று சாப்பிடலாம்.

கைக்குட்டை

கைக்குட்டையில் 2-3 துளிகள் யூக்கலிப்டிக்ஸ் எண்ணெய் விட்டு தொடர்ந்து முகர்ந்து பார்க்க மூக்கடைப்பு நீங்கும்.


ஒத்தடம்

இளஞ்சூடான நீரில் ஹாட் பேக் ஒத்தடம் கொடுப்பதை போடவும். இளஞ்சூடாகவே, மூகம் முழுவதும் ஒத்தடம் கொடுக்கலாம். குறிப்பாக மூக்கு, மூக்கை சுற்றி உள்ள பகுதிகளில் ஒத்தடம் கொடுப்பது நல்லது.

யூக்கலிப்டிக்ஸ் எண்ணெய்

யூக்கலிப்டிக்ஸ் எண்ணெய் விட்டு ஆவி பிடித்திட மூக்கடைப்பு நீங்கும். 3-4 சொட்டு விட்டாலே போதுமானது.

நீர்ச்சத்து

நீர்ச்சத்து உடலில் குறையாமல் பார்த்துக்கொள்வது நல்லது. நீர்ச்சத்து குறைந்தால்கூட கடினமான அடைப்பு மூக்கில் ஏற்படலாம். நீர்ச்சத்து கொண்ட உணவுகள், மூக்கு துவாரம், மூச்சுக்குழாயில் உள்ள அடைப்பை பிரஷர் கொடுத்து நீக்கும். உடலில் நீர்ச்சத்து போதிய அளவு இல்லையென்றால் எரிச்சல், மூக்கு அடைப்பு, வீக்கம் ஏற்படலாம்.

மூலிகை டீ

சுக்கு காபி, இஞ்சி டீ, புதினா டீ ஆகியவற்றைக் குடிக்கலாம். மிளகு கஷாயம், இஞ்சி, சுக்கு கஷாயம் ஆகியவையும் நல்லது.

இஞ்சி ஸ்டீம்

வெந்நீரில் இஞ்சி துருவலை போட்டு ஆவி பிடிப்பதும் நல்ல தீர்வாகும். இஞ்சியின் காரம் மூக்கின் வழியாக சென்று அடைப்பை நீக்கும்

மிளகு மருந்து

21 நாளைக்கு தினமும் காலையில் வேம்பு, தேன், மிளகு தூள், மஞ்சள் தூள் ஆகியவற்றை சிறிதளவு கலந்து ஒரு ஸ்பூன் அளவுக்கு சாப்பிட பலன் கிடைக்கும்.

ஃபேசியல் மசாஜ்

உங்களது 10 விரல்களால் மெதுவாக மேல்நோக்கி முகம் முழுவதும் மிதமான அழுத்தத்தில் மசாஜ் செய்யலாம்.acupressure point for blocked nose

அக்குபிரஷர்

கட்டைவிரலின் முதல் ரேகைக்கு மேல் உள்ள பகுதியில் 10-15 நிமிடங்கள் வரை மிதமான அழுத்தம் கொடுத்து கொண்டு இருக்க மூக்கடைப்பு நீங்கும்.

பூண்டு வைத்தியம்

ஒரு கப் நீரில் 3 பூண்டு, ஒரு சிட்டிகை மஞ்சள் தூள் கலந்து கொதிக்க வைத்து, 21 நாட்கள் குடித்து வர மூக்கடைப்பு நீங்கும். சளி வெளியேறிவிடும்.

சின்ன வெங்காயம்

தோல் உரித்து, நன்கு கழுவி சின்ன வெங்காயத்தைப் பச்சையாக மென்று சாப்பிட மூக்கடைப்பு நீங்கும்.

தூதுவளை ரசம்

தூதுவளை ரசம் செய்து 15 நாட்களுக்கு ஒரு முறை குடிக்கலாம். ரசம் சாதமாகவும் சாப்பிடலாம்.

மூலிகை மருந்து

கடுக்காய் மற்றும் நெல்லிக்காய் பொடியை சம அளவு எடுத்து தேனுடன் குழைத்து சாப்பிட மூக்கடைப்பு நீங்கும்.


Post a Comment

0 Comments