வாயெல்லலாம் புண் வந்து , வெந்து போய் எதையும் சாப்பிட முடியாம அவதி படறீங்களா? எது சாப்பிட்டாலும், வாயில் அழுந்தி வலி உயிரை எடுக்குதா? எதுக்குடா இந்த புண்ணு வந்து நம்மளை அப்படி கொடுமை படுத்துதேன்னு கவலையா இருக்கீங்களா? ஒரே கடுப்பா இருக்கா?
இந்த வாழ்க்கையே வேண்டாம்னு , இந்த பிரச்னை எப்ப சரியாகும்னு மனசுல தவியோ தவிப்பா இருக்கா? அப்போ கண்டிப்பா இது உங்களுக்கான பதிவு தான். வாய்ப்புண் வந்தா, அதை எப்படி சரி செய்யணும்ங்கிற இந்த ரெமிடிய மட்டும் நல்லா கத்துக்கோங்க. அப்புறம் வாயிலிருக்கிற புண் , இருந்த இடம் தெரியாம ஓடிப் போய்டும்
இந்த வாழ்க்கையே வேண்டாம்னு , இந்த பிரச்னை எப்ப சரியாகும்னு மனசுல தவியோ தவிப்பா இருக்கா? அப்போ கண்டிப்பா இது உங்களுக்கான பதிவு தான். வாய்ப்புண் வந்தா, அதை எப்படி சரி செய்யணும்ங்கிற இந்த ரெமிடிய மட்டும் நல்லா கத்துக்கோங்க. அப்புறம் வாயிலிருக்கிற புண் , இருந்த இடம் தெரியாம ஓடிப் போய்டும்
அறிகுறிகள்:
- வாய்ப்புண்.
தேவையான பொருட்கள்:
- பலா இலை.
- பனங்கற்கண்டு.
செய்முறை:
பலா இலையை எடுத்து சுத்தம் செய்து சிறியதாக நறுக்கிக் கொள்ளவேண்டும். அந்த இலையை தண்ணீரில் போட்டு கொதிக்க வைத்து வடிகட்டி அதனுடன் பனங்கற்கண்டை கலந்து தினமும் காலையில் சாப்பிட்டு வந்தால் வாய்ப்புண் குறையும்.
வாய்ப்புண் போக வீட்டு மருத்துவம் !
வெறும் பசிக்காக மட்டுமே வேண்டா வெறுப்போடு உள்ளே தள்ளவேண்டிய நிலை ஏற்படும். பெரும்பாலும், வாய்ப்புண்கள் சரியான உணவின் மூலமாகஅல்லது ஒரு வாரத்துக்குள் தானாகவே குணமாகிவிடும். ஆனால், சில வகைப் புண்கள் வாயிலேயே தங்கி, பாடாகப்படுத்தி எடுத்துவிடும்.
`சில வாய்ப்புண்கள் மற்ற நோய்கள் நமக்கு இருப்பதற்கான அறிகுறியாகக்கூட இருக்கலாம்’ என எச்சரிக்கிறார்கள் மருத்துவர்கள். வாய்ப்புண் வெகு நாள்களுக்கு ஆறாமல் இருந்தால், அது புற்றுநோயாக மாறுவதற்கும் வாய்ப்புண்டு. எனவே, அலட்சியமாக இருக்காமல், புண் ஏற்பட்டதற்கான காரணத்தை அறிந்து, சிகிச்சை பெறவேண்டியது அவசியம்.
``எல்லாவிதமான வாய்ப்புண்களுமே தவிர்க்க முடியாததோ, தீர்க்க முடியாததோ அல்ல’’ என்கிறார் ஆயுர்வேத மருத்துவர் ஆர்.பாலமுருகன். அதோடு, ஆயுர்வேதத்தில் வாய்ப்புண் தொந்தரவுக்காக மேற்கொள்ளப்படும் பல எளிய சிகிச்சை முறைகள், எளிதில் கிடைக்கக்கூடிய பொருள்கள் மூலம் குணப்படுத்தும் வழிமுறைகள் குறித்தும் விவரிக்கிறார்...
வாய்ப்புண்
தொடக்கத்தில், வாய்ப்புண்கள் கொப்புளங்களாகத் தோன்றும். சில நாள்களில் உடைந்து, சிறு சிறு குழிப்புண்களாக மாறி, வலியை ஏற்படுத்தும். சாப்பிடும்போதும் பேசும்போதும் வலி அதிகமாகும். தலைவலி, காய்ச்சல் எனத் தொல்லைகளை உண்டாக்கும்.
காரணங்கள்...
வாய்ப்புண் ஏற்பட பல காரணங்கள் உள்ளன. முக்கியமாக, மலச்சிக்கல், பித்த அஜீரணம், உடற்சூடு, வைட்டமின் சி, பி12, வைட்டமின் சத்து போன்ற ஊட்டச்சத்துக் குறைபாடுகள், நோய் எதிர்ப்புச் சக்தி குறைவு, வீரியம் மிக்க மருந்துகள் மற்றும் மாத்திரைகளை உட்கொள்ளுதல், உணவு ஒவ்வாமை போன்றவை காரணமாக அமைகின்றன.
புகைபிடிப்பவர்கள், மது அருந்துபவர்கள், வெற்றிலை, புகையிலை, பான் மசாலா போடுபவர்கள், சர்க்கரை நோயாளிகள் ஆகியோருக்கு வரலாம். இவை தவிர, வாயைச் சுகாதரமாக வைத்துக்கொள்ளாதவர்கள், குடல் மற்றும் இரைப்பையில் புண் உள்ளவர்கள், மனஅழுத்தம், ஆக்ரோஷ குணமுடையவர்களுக்கு மீண்டும் மீண்டும் வரும் வாய்ப்புகள் அதிகம். பல் துலக்கும்போது பிரஷ்ஷால் இடித்துக்கொண்டால்கூட இது ஏற்படலாம். அதேபோல, டீ அல்லது காபியை அதிகச் சூட்டோடு குடித்தால்கூட வாய்ப்புண் வருவதுண்டு.
உணவுகள்...
வாய்ப்புண் இருக்கும்போது, பச்சைமிளகாய், புளிப்புச் சுவையுடைய உணவுகளைச் சாப்பிடுவதைத் தவிர்க்க வேண்டும். இனிப்பு, கசப்பு, துவர்ப்பு சுவைகொண்ட உணவுகளை அதிகம் சேர்த்துக்கொள்ள வேண்டும்.
வெல்லம், பாசிப் பயறு சேர்த்துக் கஞ்சியாக குடிக்கலாம். கீரை, பசும்பால், தேங்காய்ப்பால், பீர்க்கங்காய், புடலங்காய், நெல்லிக்காய் போன்றவற்றை உணவில் சேர்த்துக்கொள்ளலாம். வெள்ளைப் பூசணிக்காய் அல்லது அகத்திக்கீரையைச் சமைத்து சாப்பிட்டால், உடனடி நிவாரணம் கிடைக்கும். முருங்கைக்கீரை மற்றும் பூ, சிறுகீரையை சமைத்துச் சாப்பிடலாம். கொய்யா இலைகளை மென்று துப்பலாம். நாட்டு மருந்துக் கடைகளில் கிடைக்கும் அதிமதுரப் பொடி அல்லது கடுக்காய் பொடியை வாங்கி, அதைத் தேனில் குழைத்துச் சாப்பிடலாம்.
வாய் கொப்பளித்தல்
வாய்ப்புண் உள்ள இடத்தில் சுத்தமான தேனைத் தடவலாம். ஆர்கானிக் ரோஜாப்பூ இதழ்கள் அல்லது கொட்டைப்பாக்கை தண்ணீரில் போட்டு கொதிக்கவைத்து, வாய்கொப்பளிக்க வேண்டும். தேங்காய்ப்பாலை குடிக்கலாம்; அதைக்கொண்டு வாய்க்கொப்பளிக்கவும் செய்யலாம்.
செய்யவேண்டியவை...
உணவு ஒவ்வாமை, மருந்து ஒவ்வாமை இருந்தால் தொடர்புடைய உணவு, மருந்தைத் தவிர்க்க வேண்டும்.
மதுப் பழக்கத்தைக் கைவிட வேண்டும். புகைபிடிக்கக் கூடாது. வெற்றிலை, புகையிலை, பான் மசாலா போடக் கூடாது. சர்க்கரை நோயாளிகள் நோயைக் கட்டுக்குள் வைத்திருக்க வேண்டும்.
உடலில் நோய் எதிர்ப்புச் சக்தி குறையாமல் பாதுகாக்க, சரிவிகித உணவைச் சாப்பிடவேண்டும்.
அதிகமாகக் கவலைப்பட்டாலும் வாய்ப்புண் வரும் என்பதால், எப்போதும் மன மகிழச்சியோடு இருக்கவேண்டியது அவசியம்.
கவனம்:
பாக்டீரியா, வைரஸ் போன்ற கிருமிகளின் தாக்குதல் காரணமாக வரும் சின்னம்மை, தட்டம்மை, எய்ட்ஸ் போன்ற நோய்கள் ஏற்படும்போது வாயில் புண் ஏற்படும். எனவே, வாய்ப்புண் வெகு நாள்களுக்குத் தொடர்ந்தாலோ, குறுகியகால இடைவெளியில் திரும்பத் திரும்ப வந்தாலோ மருத்துவர்களின் ஆலோனையைப் பெறுவது சிறந்தது.
0 Comments