இப்படி மிளகு ரசம் செய்து சாப்பிடுங்க ! நோய் எதிர்ப்பு சக்தி டாப்ல கியர்ல அதிகரிக்கும்...!

தென்னிந்திய உணவு வகைகளில் ராசம் ஒரு முக்கிய உணவு என்பதை யாரும் மறுக்க முடியாது. ஒவ்வொரு தென்னிந்திய உணவு விரும்பியும் தொடர்புப்படுத்தக்கூடிய மகிழ்ச்சியின் உணவு இது! ரசம் அடிப்படையில் ஒரு ஷோர்பா போன்ற சூப் (சோள மாவு ஸ்டார்ச் இல்லாமல்). இந்த சூப் பருப்பு, புளி, கறிவேப்பிலை மற்றும் மசாலாப் பொருட்களுடன் தயாரிக்கப்படுகிறது, மேலும் இது வைட்டமின்கள், தாதுக்கள் மற்றும் பல ஊட்டச்சத்துக்களின் சக்தியாக விளங்குகிறது.

ரசம், உணவு வரலாற்றாசிரியர் கே.டி.அச்சாயாவின் 'இந்திய உணவின் வரலாற்று அகராதி' புத்தகத்தின் படி, மற்ற தென்னிந்திய மொழிகளில் சார், சாரு, ஷாரு மற்றும் புலுசு என்றும் அழைக்கப்படுகிறது. பிரிட்டிஷ் காலனித்துவ வாதிகள் இதை முல்லிகடவ்னி என்று அழைக்கப்படும் ஒரு சூப்பாக ஏற்றுக்கொண்டதாகவும் அவர் குறிப்பிட்டுள்ளார்.

அந்த குறிப்பில்,எல்லா ரசம் செய்முறையிலும் பருப்பு சேர்க்கப்படுவதில்லை, அத்தகைய ஒரு எடுத்துக்காட்டு மிகவும் பிரபலமான மிளகு ரசம் என்று அழைக்கப்படுகிறது. இந்த ரசம் ஒரு தெளிவான சூப் போன்றது, இது குளிர் மற்றும் காய்ச்சலைத் தடுக்க நன்றாக வேலை செய்கிறது. மிளகு ரசத்தில் பயன்படுத்தப்படும் பொருட்கள், குறிப்பாகக் கருப்பு மிளகு, பூண்டு மற்றும் மஞ்சள் ஆகியவை நமது நோய் எதிர்ப்புச் சக்தியை வலுப்படுத்துகின்றன. எனவே, இந்தியாவின் தெற்குப் பகுதியில், இந்த ரசம், பொதுவான இருமல் மற்றும் சளிக்கு, வீட்டு மருந்தாக வழங்கப்படுகிறது.

மிளகு ரசம் செய்யத் தேவையான பொருட்கள்:

புளி கரைச்சல் - 2 மேசைக்கரண்டி

தக்காளி- 1 (நறுக்கியது)

கறிவேப்பிலை- 10-12

கருப்பு மிளகுத்தூள்- 1-2 தேக்கரண்டி

பூண்டு- 4-5 பல்

உலர் சிவப்பு மிளகாய்- 3

சீரகம்- 1 தேக்கரண்டி

பெருங்காயத்தூள்- அரை தேக்கரண்டி

கொத்தமல்லி இலைகள்- 1 தேக்கரண்டி (புதிதாக நறுக்கியது)

உப்பு- சுவைக்க

மஞ்சள்- அரை தேக்கரண்டி

கடுகு- 1 தேக்கரண்டி

எண்ணெய்- 1 தேக்கரண்டி

செய்முறை:

 2 சிவப்பு மிளகாய், கருப்பு மிளகு, சீரகம், பூண்டு மற்றும் 4-5 கறிவேப்பிலை ஆகியவற்றை எண்ணெய் சேர்க்காமல் வறுத்துக்கொள்ளவும்.

கரடுமுரடாக அவற்றை மிக்சியில் அரைத்து வைத்துக்கொள்ளவும்.

ஒரு கடாயில் எண்ணெய் ஊற்றிச் சூடு பண்ணவும்.

நறுக்கிய தக்காளி மற்றும் மீதமுள்ள கறிவேப்பிலை, மஞ்சள் மற்றும் சிறிது உப்பு சேர்த்து 3-4 நிமிடங்கள் வதக்கவும்.

அரைத்த மசாலாவைச் சேர்த்து நன்கு வதக்கவும்.

புளிக் கரைச்சலுடன் இரண்டு கப் தண்ணீர் சேர்க்கவும், தீயைக் குறைக்கவும்.

கடாயை மூடி வைத்து 10 நிமிடங்கள் கொதிக்க விடவும்.

இன்னொரு பாத்திரத்தில் சிறிது எண்ணெய் அல்லது நெய் ஊற்றவும்.

அதில், கடுகு, சிவப்பு மிளகாய் மற்றும் பெருங்காயத்தூள் சேர்த்து வறுக்கவும்.

பின்னர் இந்த வறுத்த பொருட்களை, கொதிக்கும் ரசத்தில் ஊற்றவும்.

அடுப்பிலிருந்து இறக்கி கொத்தமல்லி சேர்த்து, பரிமாறவும். தேவைப்பட்டால், சிறிது மிளகு தூள் சேர்க்கலாம்.

இந்த ரசத்தை அதிக நேரம் கொதிக்க விடக் கூடாது.

சுவையான மிளகு ரசத்தை சூப் ஆகவோ, சதத்துடனோ சாப்பிடலாம்.